PM Kisan e-KYC Update Online 2026: Mandatory Process to Receive Next Installment

PM Kisan e-KYC News: Pradhan Mantri Kisan Samman Nidhi Yojana ke tahat sarkar ne kadi chetavni jaari ki hai. 13 March 2026 ko 22nd kist jaari hone ke baad, un sabhi kisanon ka agla payment (23rd installment) rok diya jayega jinki e-KYC complete nahi hai. Agar aapka payment status ruka hua hai ya aap agli kist bina kisi rukavat ke paana chahte hain, toh turant pmkisan.gov.inpar jaakar e-KYC karwayein. Is article mein hum aapko online aur offline dono tarikon se e-KYC karne ki poori jankari denge.

⚠️ e-KYC Anivarya Kyun Hai? (Last Date 2026)

Sarkar ka uddeshya nakli labharthiyon (fraudulent beneficiaries) ko filter karna hai. e-KYC ke bina PM Kisan portal par aapka account inactive ho jata hai. Dhyan dein: Agar aapne 22nd installment paane ke baad bhi KYC nahi kiya hai, toh July 2026 mein aane wali agli kist aapko nahi milegi. Iski koi fix 'Last Date' nahi hoti, lekin payment cycle shuru hone se pehle ise kar lena chahiye.

🛠️ PM Kisan e-KYC Karne ke 3 Aasaan Tarike

Kisan apni suvidha ke anusar niche diye gaye 3 tarikon mein se kisi ek ko chun sakte hain:

1. Aadhaar OTP Mode: Agar aapka mobile number Aadhaar se link hai (Muft).
2. Face Authentication: PM Kisan Mobile App ke zariye (Muft).
3. Biometric Mode: CSC Center par jaakar fingerprint ke zariye (Csc Fees ₹30-₹50).

📲 Online OTP-Based e-KYC (Ghar Baithe)

Agar aapka mobile number Aadhaar se link hai, toh ye steps follow karein:

• Official portal pmkisan.gov.in par jayein.
• 'Farmers Corner' section mein 'e-KYC' tab par click karein.
• Apna 12-digit Aadhaar Number enter karein aur 'Search' par click karein.
• Aadhaar linked mobile number par aaya hua OTP darj karein.
• 'Submit For Authentication' par click karein. Screen par "eKYC is Successfully Submitted" ka message aayega.

🤳 Face Authentication Method (No OTP Required)

Jin kisano ka mobile number link nahi hai, wo Face Auth ka upyog kar sakte hain:

• Google Play Store se PM Kisan Mobile App aur Aadhaar Face RD App install karein.
• App mein login karke 'e-KYC' option chunein.
• Apna Aadhaar number dalein aur front camera se apna Face Scan karein.
• Palkein jhapkayein (blink eyes) jab tak scan successful na ho jaye. KYC turant update ho jayegi.

🏢 CSC Center Biometric KYC (Offline)

Agar aap online nahi kar pa rahe hain, toh:

• Apne nazdiki CSC (Common Service Center) ya Vasudha Kendra par jayein.
• Apna Aadhaar card saath le jayein.
• VLE (Operator) aapka fingerprint scan karke KYC process complete kar dega.
• Iske liye sarkar dwara nirdharit nominal fees deni hogi.

🔗 Useful Important Links

📌 निष्कर्ष (Conclusion)

PM Kisan Samman Nidhi Yojana ka labh bina kisi rukavat ke paane ke liye e-KYC karwana sabse zaruri kadam hai. Agar aapka payment 22nd installment mein nahi aaya hai, toh turant apna status check karein aur e-KYC update karein. Is post ko apne saathi kisanon ke saath share karein taaki unka bhi paisa na ruke.